3. maj 2002

UPA 2002/15

 

Uunga allannguutissatut siunnersuut

 

Raajanut akitsuutit pillugit Inatsisartut inatsisaata allanngortinneqarneranik Inatsisartut inatsisaannut siunnersuut.

 

Aappassaaneerneqarnissaanut Naalakkersuisut saqqummiussaat.

 

§ 2-mut

1. § 2 ima oqaasertaqassaaq:
"§ 2. Inatsisartut inatsisaat atuutilissaaq ulloq 20. maj 2002-miit, ullorlu 1. juli 2002-miit atortuulissalluni."

 

Oqaaseqaatit

Inatsisartut inatsisaata 1. juli 2002-miit atortuulernissaa siunnersuutigineqarpoq, tassa imaappoq 2002-mi kvartalit pingajuat aallarnerfigalugu.

Raajanut akitsuutit 1. juli 2002-miit 2 procentpointinik appartinneqarnerisigut ukiumi naatsorsuuseriffimmi 2002-mi isertitassatigut annaaneqassapput 7,5 mio. kr.-nit, ukiunilu missingersuusiorfiusuni 15 mio. kr.-niussallutik. Siunnersuut allaffissornermut sunniuteqartussaanngilaq.